Բարի գալուստ ԳԴՀ արտգործնախարարության կայքէջերում
Վիզա՝ Գերմանիայում ամուսնությունը գրանցելու և այնտեղ բնակվելու նպատակով
Վիզայի համար դիմում ներկայացնելը
Դիմում ներկայացնելու համար անհրաժեշտ է նախապես հերթագրվել։ Հերթագրվել կարող եք միայն առցանց եղանակով: Առցանց հերթագրման համակարգ կարող եք մուտք գործել դեսպանության կայքի միջոցով․ www.eriwan.diplo.de :
- Ոչ գերմանալեզու փաստաթղթերը՝ բացառությամբ անձնագրի տվյալների էջի, պետք է ներկայացնել գերմաներեն հաստատված թարգմանությամբ:
- Վկայականները, դիպլոմները և նմանատիպ փաստաթղթերը պետք է ներկայացնել բնօրինակով և ապոստիլով/լեգալիզացիայով: Բնօրինակները կվերադարձվեն:
- Վիզայի համար հնարավոր է, որ անհրաժեշտ լինի ԳԴՀ համապատասխան վայրի Օտարերկրացիների հարցերով մարմնի (Ausländerbehörde) համաձայնությունը: Վիզան կարող է տրվել միայն, երբ դեսպանությունը ստանա այս համաձայնությունը:
- Դիմումի քննությունը և մշակումը սովորաբար տևում է 6 – 14 շաբաթ, առանձին դեպքերում՝ ավելի երկար:
- Ավիատոմսի ամրագրում վիզայի համար չի պահանջվում, խնդրում ենք ավիատոմս ամրագրել միայն վիզա ստանալուց հետո:
- Դեսպանությունն իրեն իրավունք է վերապահում պահանջել լրացուցիչ փաստաթղթեր։ Լիարժեք դիմում ներկայացնելը դեռևս բավարար հիմք չէ վիզա ստանալու համար։ Ոչ լիարժեք փաստաթղթերը կարող են դանդաղեցնել գործընթացը և հանգեցնել դրանց վերադարձի կամ մերժման։ Դեսպանություն ուղարկված այն ֆաքսերը կամ գրությունները, որոնց վրա բացակայում է վիզայի գործի համարը, չեն տեսակավորվում և չեն կցվում գործերին։
- Խնդրում ենք դիմումի վերոնշյալ մշակման ժամանակահատվածում ձեռնպահ մնալ դիմումի ընթացքի վերաբերյալ հարցումներ անելուց: Այդ հարցումները էապես ծանրաբեռնում են վիզայի բաժնի աշխատանքը, այդ պատճառով վիզայի բաժինը չի կարող պատասխանել:
- Վիզայի վճարը կազմում է 75 եվրո, որը վճարվում է դրամով՝ դիմումը հանձնելիս:
- Բոլոր փաստաթղթերը (հատկապես անձնագրի պատճենները) պետք է ներկայացնել A4 ձևաչափով՝ առանց ամրացնելու, կարելու և թափանցիկ թղթապանակների։
Անհրաժեշտ փաստաթղթեր
Գերմաներենով կամ անգլերենով լիարժեք լրացված դիմում-հարցաթերթիկ՝ ներառյալ Կացության մասին դաշնային օրենքի §54-ով սահմանված իրազեկումը: Հարցաթերթիկը կարող եք գտնել դեսպանության կայքում՝ սույն հղումով. https://videx-national.diplo.de
Լիարժեք լրացված և ստորագրված հայտարարություն հասանելիության (հղում) վերաբերյալ։
2 նոր, բիոմետրիկ լուսանկար, մեկը խնդրում ենք սոսնձել դիմում-հարցաթերթիկին։
Գերմանիայի դեսպանությունը վիզայի ընթացակարգի համար ընդունում է միայն թարմ, բիոմետրիկ (կենսաչափական) լուսանկարներ։ Պահանջվող լուսանկարի վերաբերյալ ցուցումները կարող եք գտնել լուսանկարների նմուշների ցուցատախտակում, ինչպես նաև նմուշ-թերթիկում։
- գործող ճամփորդական անձնագիր, որը վավերական լինի առնվազն 6 ամիս, (անձնագրում պետք է լինի առնվազն երկու դատարկ էջ, իսկ անձնագիրը տրված լինի ոչ ավելի վաղ, քան տասը տարի առաջ),
- անձնագրի այն էջերի պատճենները, որտեղ առկա է կնիք, վիզա կամ որևէ այլ նշում։
Ապագա ամուսնու/կնոջ ճամփորդական անձնագրից պատճեն, առկայության դեպքում նաև Հայաստանի մուտքի-ելքի կնիքներով/վիզաներով էջերի պատճենները, եթե նա Գերմանիայի կամ Եվրամիության երկրների քաղաքացի չէ, գերմանական կացության թույլտվության պատճենը,
Սեղմ հարցաթերթիկ՝ ամուսնուն կամ կնոջը վերամիավորվելու/ ամուսնություն կնքելու վերաբերյալ։ Խնդրում ենք հարցաթերթիկը (word նիշք) ներբեռնել այս հղումով, լրացնել այն գերմաներեն՝ համակարգչով։
Ապագա ամուսնու/կնոջ գրանցման վերաբերյալ տեղեկանք
Գերմանական ՔԿԱԳ մարմնի կողմից ամուսնության գրանցման համար դիմելու վերաբերյալ գրավոր հաստատում՝ ամուսնության օրվա նախնական տվյալներով
Ծննդյան վկայականի բնօրինակը՝ հաստատված ապոստիլով, վկայականի նոտարական վավերացմամբ թարգմանությունը և ապոստիլը: Եթե բնօրինակը գտնվում է Գերմանիայի քաղաքացիական կացության ակտերի գրանցման մարմնում, ապա երկու պաճեն բավական է:
Գերմաներենի՝ եվրոպական չափանիշներին համապատասխան Ա1 մակարդակի իմացության մասին ապացույց՝ Գյոթե-ինստիտուտի „Start Deutsch 1“ սերտիֆիկատ կամ “ Österreichisches Sprachdiplom“ կամ Test DaF-ի կամ telc Start Deutsch1-ի վկայականներ:
Լեզվական գիտելիքների ապացույցի մասին տեղեկությունները կարողեք գտնել սույն հղումով։
ՄԵԿՆՈՂ ԵՐԵԽԱՆԵՐ (յուրաքանչյուրի համար ներկայացվում է առանձին դիմում)
Դիմում-հարցաթերթիկները, լուսանկարները, անձնագիրը, պատճենները՝ ինչպես նշված է վերևում։
Ծննդյան վկայականի բնօրինակը՝ հաստատված ապոստիլով, ինչպես նաև ծննդյան վկայականի նոտարական թարգմանությունը։
Անհրաժեշտության դեպքում հայրության ճանաչման վկայականը՝ հաստատված ապոստիլով, ինչպես նաև հայրության ճանաչման վկայականի նոտարական թարգմանությունը
Ապացույց միակողմանի խնամակալության իրավունքի վերաբերյալ (հայկական իրավասու դատարանի վճռի, մահվան վկայականի կամ չմեկնող ծնողի համաձայնության բնօրինակը՝ հաստատված ապոստիլով)՝ նոտարի կողմից վավերացրած և թարգմանությամբ:
Գերմանիայում բնակվող ծնողի մոտ տեղափոխվելու դեպքում տվյալ ծնողի նոտարական վավերացմամբ համաձայնությունը (բնօրինակի առկայությունը պարտադիր չէ)։
Դեսպանությունը հուշում է, որ համաձայն Կացության մասին օրենքի §82–ի՝ յուրաքանչյուր դիմող պարտավոր է ապահովել դիմումի լիարժեքությունը, եթե որևէ փաստաթուղթ բացակայում է, դեսպանությունը համարում է, որ այն չի կարող ներկայացվել։
Կարևոր ցուցումներ
Ձեր ուշադրութունն ենք հրավիրում այն հանգամանքին, որ վիզայի դիմումը հանձնելիս որևէ այլ վճար, քան դեսպանության շենքում՝ վիզաների բաժնի պատուհանի մոտ գանձվող վիզայի վճարն է, նախատեսված չէ։
Դեսպանությունը չի համագործակցում տուրիստական ընկերությունների հետ։ Դա վերաբերում է նաև դեսպանության անմիջական հարևանությամբ գտնվող գրասենյակներին։ Ճամփորդական կամ այլ ծառայություններ մատուցող գրասենյակների աշխատակիցների պնդումներն այն մասին, որ իրենք համագործակցում են դեսպանության հետ, չի համապատասխանում իրականությանը։
Ոչ ոք չի կարող ազդել Ձեր դիմումի հաջողության հեռանկարի վրա, քանի որ դիմումների վերաբերյալ որոշումները կայացնում է բացառապես գերմանացիներից բաղկացած անձնակազմը։ Եթե Ձեզ այլ բան են խոստանում, ապա Ձեզ փորձում են խաբել։ Ոչ մի դեպքում գումար մի´ տվեք։
Վիզայի հետ կապված հարցերի մասին արժանահավատ տեղեկություններ կարող եք անվճար ստանալ դեսպանության վիզաների բաժնի աշխատակիցներից։ Այլ անձինք տեղեկություններ տրամադրելու իրավասություն չունեն։
Վիզայի համար հերթագրում
Ազգային վիզայի դիմումը պետք է հանձնել շատ ավելի վաղ, քան նախատեսված ճամփորդությունն է: Հերթագրումը կատարվում է առցանց և անվճար է: Կախված վիզայի տեսակից՝ դիմումի քննությունը կարող է շաբաթներ տևել:
Պայմանավորվածության օրը գործերը կարող են հանձնել միայն նրանք, ովքեր գրանցման համակարգում ճիշտ են մուտքագրել իրենց անձնագրային տվյալները։
Հերթագրումը կարելի է իրականացնել հետևյալ հղումով․ Առցանց հերթագրման համակարգ
Խնդրում ենք մտածել պայմանավորվածություն ստանալու համար ժամանակին գրանցման մասին։
Յուրաքանչյուր դիմողի, նաև երեխաների համար, անհրաժեշտ է առանձին պայմանավորվածություն ամրագրել: Չի կարելի մեկ հերթագրման համար մի քանի անուն գրանցել։ Առանց հերթագրման կամ սխալ տվյալներով հերթագրված անձինք նույնպես չեն կարող դեսպանություն մտնել։
Բոլոր տվյալները պետք է լրացվեն բացառապես լատինատառ։
Ձեր տվյալները լրացրեք ճշգրիտ և անսխալ, քանի որ վիզայի բաժին մուտք գործել հնարավոր է միայն անձնագրային տվյալներին դրանց լիարժեք համապատասխանության դեպքում։
Ուշադրություն դարձրեք նաև Ձեր էլեկտրոնային հասցեի ճշգրտությանը, այլապես չեք կարող ստանալ Ձեր գրանցման հաստատումը և դեսպանություն այցելելու օրվա և ժամի մասին ծանուցումը։
Այս հուշաթերթիկի բոլոր տվյալները հիմնված են այն գրելու պահին դեսպանության ունեցած տեղեկությունների և վերլուծությունների վրա, ուստի դեսպանությունը չի կարող երաշխավորել հուշաթերթիկի լիարժեքությունն ու ճշգրտությունը հատկապես ընթացիկ փոփոխություների պատճառով: