Երևանում Գերմանիայի դեսպանությունը վիզա է տրամադրում Հայաստանի Հանրապետության և այլ պետությունների այն քաղաքացիներին, ում բնակության վայրը Հայաստանի Հանրապետությունն է:

Տարբերակվում են վիզայի երկու տեսակ.

1. Շենգենյան վիզա, որը տրամադրվում է Շենգենյան համաձայնագրի երկրներ կարճաժամկետ այցերի (առավելագույնը 90 օր կես տարվա ընթացքում) համար՝ առանց աշխատանքային գործունեություն ծավալելու հնարավորության:

Գերմանիայի դեսպանությունը շենգենյան վիզայի դիմումներ է ընդունում Գերմանիայի, Շվեդիայի, Բելգիայի և Լյուքսեմբուրգի համար:

Ներկայումս Շենգենյան տարածքի երկրներն են.

Գերմանիան, Բելգիան, Դանիան, Էստոնիան, Ֆինլանդիան, Ֆրանսիան, Հունաստանը, Իսլանդիան, Իտալիան, Խորվաթիան, Լատվիան, Լիտվան, Լյուքսեմբուրգը, Մալթան, Նիդերլանդները, Նորվեգիան, Ավստրիան, Լեհաստանը, Պորտուգալիան, Շվեդիան, Շվեյցարիան, Սլովակիան, Սլովենիան, Իսպանիան, Չեխիան և Հունգարիան անդամակցում են Շենգենյան համաձայնագրին, ուստիև համարվում են «Շենգենյան պետություններ»։

Խոսքը վերաբերում է ԵՄ բոլոր պետություններին՝ բացառությամբ Իռլանդիայի։ ԵՄ անդամ պետություններ Բուլղարիան, Ռումինիան և Կիպրոսը առայժմ մասնակիորեն են կիրառում Շենգենյան պայմանավորվածությունները։ Մինչ այս երեք երկրների կողմից դրանց լիարժեք կիրառումը՝ առժամանակ ներքին սահմաններին կիրականացվի անձանց ստուգում։ Նշված ԵՄ անդամ պետություններից բացի Շենգենյան պետությունների թվին են դասվում նաև Իսլանդիան, Նորվեգիան, Շվեյցարիան և Լիխթենշտայնը։   

2. Ազգային վիզա 90 օրից ավելի տևողությամբ կացության համար (օրինակ՝ ուսման կամ ընտանիքի վերամիավորման նպատակով կամ աշխատանքային գործունեության համար): Երկարաժամկետ այցերի վիզաներ տրամադրվում են միայն Գերմանիայի Դաշնային Հանրապետության համար:

Շենգենյան վիզա

Ազգային վիզա

Close family members of a person eligible for subsidiary protection in Germany

Հաճախ տրվող հարցեր