Բարի գալուստ ԳԴՀ արտգործնախարարության կայքէջերում
Շենգենյան վիզա
Ընդհանուր տեղեկություններ
Շենգենյան վիզա, որը տրամադրվում է Շենգենյան համաձայնագրի երկրներ կարճաժամկետ այցերի (առավելագույնը 90 օր կես տարվա ընթացքում) համար՝ առանց աշխատանքային գործունեություն ծավալելու հնարավորության: Կացության տևողության հաշվարկը շենգենյան վիզայի համար՝ այս հղումով։
Գերմանիայի դեսպանությունը շենգենյան վիզայի դիմումներ է ընդունում Գերմանիայի, Շվեդիայի, Բելգիայի և Լյուքսեմբուրգի համար:
Շենգենյան տարածքի երկրների ցանկը կարող եք գտնել այս հղումով։
Վիզա տրամադրելու նախապայմանները
Յուրաքանչյուր վիզա տրամադրելուց առաջ դեսպանությունն ըստ Վիզակոդեքսի ստուգում է հետևյալ չափորոշիչների առկայությունը.
- այցի նպատակը
- ճամփորդության ֆինանսավորումը
- Հայաստան վերադառնալու հավանականությունը
- բժշկական ապահովագրության առկայությունը
- այլ տվյալներ (AZR, SIS-համակարգերում գրանցում)
- վիզայի օրենքով օգտագործումը (թույլատրված կացության ժամանակահատվածի չչարաշահում) և այլն
Խնդրում ենք ժամանակին տեղեկանալ, թե ինչ փաստաթղթեր պետք է ներկայացնել գործերը հանձնելիս:
Գերմանիայի դեսպանությունը զգուշացնում է, որ վիզայի առկայությունը չի նշանակում ունենալ մուտքի ավտոմատ իրավունք, վիզա ունեցող յուրաքանչյուր անձ պարտավոր է սահմանին ապացուցել, որ նա բավարարում է Շենգենյան սահմանային կոդեքսի 5-րդ հոդվածի պահանջները:
Ուստի ուղևորության ժամանակ Ձեզ հետ վերցրեք կարևոր փաստաթղթերը, ինչպես, օրինակ, բժշկական ապահովագրության քարտը և հրավեր-պարտավորագիրը:
Անհրաժեշտ փաստաթղթեր
Դիմում հանձնելիս անհրաժեշտ է անձամբ ներկայացնել ստորև նշված փաստաթղթերը։ Բոլոր այն փաստաթղթերը, որոնք գերմաներեն կամ անգլերեն չեն, պետք է ներկայացնել ոչ նոտարական թարգմանությամբ։
Փաստաթղթերը պետք է ներկայացնել նշված հերթականությամբ դասավորած։ Բոլոր փաստաթղթերի պատճենները անհրաժեշտ է ներկայացնել A4 ֆորմատի թղթի վրա: Դեսպանությունը խնդրում է փաստաթղթերը չկարել, չամրացնել։
Դեսպանությունը նշում է, որ, համաձայն Կացության մասին օրենքի §82-ի, յուրաքանչյուր դիմող պարտավոր է ապահովել դիմումի լիարժեքությունը: Որևէ փաստաթղթի բացակայության դեպքում դեսպանությունը համարում է, որ այն չի կարող ներկայացվել։
Առանձին դեպքերում, սակայն, դեսպանությունն իրեն իրավունք է վերապահում պահանջել լրացուցիչ փաստաթղթեր։ Լիարժեք դիմում ներկայացնելը վիզա ստանալու համար դեռևս բավարար հիմք չէ։
գերմաներենով կամ անգլերենով, լիարժեք լրացրած և դիմողի կողմից ստորագրված դիմում-հարցաթերթիկ: Անչափահասների դիմում-հարցաթերթիկները պետք է ստորագրեն նրանց օրինական ներկայացուցիչները։ Դիմում-հարցաթերթիկը կարող եք գտնել հետևյալ հղումով՝ VIDEX Schengen
ՈՒՇԱԴՐՈՒԹՅՈՒՆ․ VIDEX-ի հղումով առաջին անգամ անցնելիս հնարավոր է, որ հայտնվեք ոչ համապատասխան էջում։ VIDEX Schengen-ը ճանաչելի է Նոյշվանշթայն ամրոցի նկարով։ Եթե հղումը տարել է ոչ համապատասխան էջ, վերադարձեք հուշաթերթիկ և նորից սեղմեք այն։
2 նոր, բիոմետրիկ լուսանկար, մեկը խնդրում ենք սոսնձել դիմում-հարցաթերթիկին։ Գերմանիայի դեսպանությունը վիզայի ընթացակարգի համար ընդունում է միայն թարմ, բիոմետրիկ (կենսաչափական) լուսանկարներ։ Պահանջվող լուսանկարի վերաբերյալ ցուցումները կարող եք գտնել լուսանկարների նմուշների ցուցատախտակում, ինչպես նաև նմուշ-թերթիկում։
Բժշկական ապահովագրության վկայագիր շենգենյան բոլոր երկրների համար, բնօրինակը և մեկ պատճեն։ Ապահովագրական գումարը պետք է կազմի 30․000 եվրո։ Հավելյալ տեղեկություններ պահանջվող բժշկական ապահովագրության վերաբերյալ կարող եք կարդալ այս հղումով։
- Ճամփորդական անձնագիր, որը պետք է վավերական լինի վիզայի վերջնաժամկետի ամսաթվից հետո ամենաքիչը երեք ամիս: (Անձնագրում պետք է լինի առնվազն երկու դատարկ էջ, իսկ վավերականության ժամկետը չպետք է գերազանցի 10 տարին)։
- Ճամփորդական անձնագրի տվյալների էջի, ինչպես նաև բացառապես այն էջերի պատճենները, որոնց վրա կան Շենգենյան վիզաներ և դրանց հետ կապված մուտքի և ելքի կնիքներ։
Այլ քաղաքացիություն ունենալու դեպքում՝ Հայաստանում օրինական բնակության իրավունքի ապացույց, օր՝․ կացության իրավունք, որը վավերական է Շենգենյան պետություններից վերադարձի օրվանից հետո ամենաքիչը երեք ամիս։
Դիմողի՝ Հայաստանում ունեցած տնտեսական և սոցիալական կապերի, ինչպես նաև շենգենյան երկրներում կեցության համար անհրաժեշտ միջոցների մասին ապացույց, մասնավորապես․
- վերջին երեք ամիսների բանկային հաշվի քաղվածքներ (ո՛չ բանկային տեղեկանք)՝ աշխատավարձի մուտքի նշումներով, առկայության դեպքում նաև այնպիսի այլ հաշիվների քաղվածքներ, որոնք արտացոլեն հաշվին առկա երկարաժամկետ միջոցներ,
- անհատ ձեռներեցների և ՍՊԸ-ների պարագայում՝
- որպես անհատ ձեռներեց կամ ՍՊԸ գրանցման վկայականը
- ձեռնարկատիրոջ կամ ՍՊԸ-ի հարկային տեղեկանքը եռամսյակային շահույթի/շրջանառության վերաբերյալ
- այդ տեղեկանքի բացակայության դեպքում՝ Ձեր՝ որպես ձեռնարկատիրոջ կամ ընկերության վերջին երեք ամիսների բանկային քաղվածքները
- այլ անձանց պարագայում՝
- ապացույց զբաղվածության վերաբերյալ (տեղեկանք աշխատավայրից, ուսման վայրից, ապացույց կենսաթոշակի վերաբերյալ)
- վարձու աշխատողները պետք է ՊԵԿ-ից ներկայացնեն աշխատավարձի հարկման վերաբերյալ քաղվածք
- չաշխատող անձինք պետք է ներկայացնեն ապրուստի միջոցների մասին այլ տեղեկանքներ կամ հովանավորի կողմից ծախսերի ստանձնման մասին ապացույցներ․
- հովանավորի աշխատանքի վկայականը/ հարկային վկայականը
- հովանավորի բանկային հաշվի քաղվածքները վերջին երեք ամսվա կտրվածքով
- ծախսերն ստանձնելու վերաբերյալ հովանավորի գրավոր համաձայնությունը
- հովանավորի անձնագրի պատճենը
- սեփականության վկայականները ներկայացնել միայն այն դեպքում, եթե դրանք տրված են վարձակալության։ Հողի սեփականության դեպքում՝ ներկայացնել ապացույց այն մասին, որ այն օգտագործվում է գյուղատնտեսական նպատակներով։
- Առաջին անգամ դիմում ներկայացնելիս, կամ եթե վերջին 3 տարում Շենգենյան գոտի չեք այցելել․
- ամուսնու/կնոջ անձնագրի բնօրինակը և պատճենը, ամուսնության (ամուսնալուծության, մահվան) վկայականը և պատճենը,
- երեխաների անձնագրերի բնօրինակները և պատճենները, անձնագիր չունենալու դեպքում՝ ծննդյան վկայականների բնօրինակները և պատճենները։
- երեխաների, ծնողների արտերկրում (նաև Ռուսաստանում) գտնվելու դեպքում՝ այդ մասին ապացույց, օր.՝ տեղեկանք գրանցման վերաբերյալ կամ կացության իրավունքի պատճենը։
- ծննդյան վկայականի պատճենը։
- ծնողների համաձայնությունը՝ նոտարական վավերացրած թարգմանությամբ և մեկ պատճեն:
- մեկ ծնողի հետ անչափահասի ճամփորդության դեպքում՝ մյուս ծնողի համաձայնությունը՝ նոտարական վավերացրած թարգմանությամբ և մեկ պատճեն։
Այցի նպատակին առնչվող հավելյալ փաստաթղթեր
-
հիմնականում վավերացված հրավեր-պարտավորագիր (Verpflichtungserklärung), որը դիմելու պահին տրված լինի վեց ամսից ոչ ավելի շուտ։ Պետք է ներկայացնել թե՛ բնօրինակը, թե՛ պատճենը։ Բելգիայի դեպքում՝ հրավեր-պարտավորագրի տրամադրման ամսաթիվ համարվում է առաջին էջի վրա նշված ամսաթիվը:
Եթե հրավեր-պարտավորագիրը Գերմանիայից չէ, ապա տեղեկանք հրավիրողի վերջին երեք ամսվա աշխատավարձի վերաբերյալ
Բելգիայի համար՝ հիմնականում վավերացված հրավեր/հրավեր-պարտավորագիր՝ հրավիրող/հանձնառող կողմի բավարար ֆինանսական միջոցներ ունենալու մասին նշումով և մեկ պատճեն:
Շվեդիայի համար՝ բացի հրավիրողի եկամուտներից, նաև հրավիրողի բանկային հաշվի քաղվածքը՝ վերջին երեք ամիսների համար։ - Եթե ծախսերը չի հոգում հրավիրողը, ապա դիմողը ինքը պետք է ներկայացնի ապրուստի միջոցների բավարար ապացույց։
- Հրավիրողի կացության իրավունքի պատճենը, ինչպես նաև արյունակցական կապը հաստատող փաստաթուղթ, եթե այցելում եք ազգականներին, օրինակ՝ ծննդյան վկայականների պատճեններ։ ԵՄ քաղաքացիների դեպքում՝ անձնագրի պատճենը և արյունակցական կապը հաստատող փաստաթուղթ՝ ազգականներին այցելելու պարագայում։
- Պաշտոնական հրավեր։ Հրավերից պետք է պարզ լինի, արդյո՞ք հրավիրողը ստանձնում է ապրելու և կացության ծախսերը։
- Եթե հրավիրողը չի ստանձնում ծախսերը, ապա գործուղող ֆիրմայի կողմից ծախսերը ստանձնելու վերաբերյալ գրություն։
- Հրավիրող ֆիրմայի՝ առևտրական ֆիրմաների գրանցման մատյանից քաղվածք (պատճենը)։
- Հրավեր-գրություն հիվանդանոցից կամ բուժող բժշկից՝ բուժման հավանական տևողության և ծախսերի մասին տվյալներով: Գրության մեջ պետք է նշված լինի ուղեկցողի հետ ճամփորդելու անհրաժեշտության մասին։
- Հիվանդանոցի/բժշկի կողմից ներկայացված նախահաշիվը։
- Բուժման ամբողջ ծախսերի համար բավարար ֆինանսական միջոցների մասին ապացույց, անհրաժեշտության դեպքում՝ գումարի փոխանցումը։
- Երկար ժամկետով (6 ամիս/1 տարի) վիզայի համար դիմելիս՝ բուժման պլան և ֆինանսավորում՝ վիզայի ցանկալի ամբողջ ժամանակահատվածի համար։
- Ցուցահանդեսի տոմսը կամ տաղավարը ցուցադրողի / ներկայացնողի վկայականը։
- Հյուրընկալող կազմակերպության կողմից հրավեր։ Հրավերում պետք է նշված լինի, արդյո՞ք հրավիրողը ստանձնում է այցի հետ կապված ծախսերը և տրամադրում է կացարան։
- Օդանավի տոմսի պատվիրումը։
- Մնալու վայրի մասին ապացույց, օր՝․ հյուրանոցի ամրագրում։ Շենգենյան բոլոր պետություններում մնալու վայրի մասին ապացույց, եթե դիմողը պատրաստվում է այցելել մի քանի անդամ պետություն։
- Լեզվի դպրոցից պաշտոնական հրավեր-գրություն, որտեղ պետք է նշված լինեն դասընթացի սկզբի և տևողության, ինչպես նաև շաբաթական դասերի քանակի և վճարումների վերաբերյալ տվյալներ։
- Ապացույց ուսման ընթացքում ֆինանսապես ապահովված լինելու վերաբերյալ, օրինակ՝ հրավեր-պարտավորագիր՝ կացության մասին օրենքի §§66-68 համաձայն (Verpflichtungserklärung) կամ արգելափակված հաշիվ: Տեղեկություններ արգելափակված հաշվեհամարի վերաբերյալ՝ անգլերեն կամ գերմաներեն)
- մանրամասն գրավոր հիմնավորում՝ պլանավորած դասընթացի, հետագա պլանների վերաբերյալ, ինչպես նաև տեղեկություններ մինչ այդ լեզվի դասընթացին նախապատրաստվելու մասին, օր.՝ Հայաստանում գերմաներեն սովորելու վերաբերյալ տվյալներ (գերմաներենով կամ անգլերենով)։
- Հյուրընկալող կազմակերպության կողմից հրավեր։ Հրավերում պետք է նշված լինի, արդյո՞ք հրավիրողը ստանձնում է այցի հետ կապված ծախսերը և տրամադրում է կացարան։
Վիզայի վճարներից ազատում
Եվրամիության և ՀՀ միջև կնքված վիզայի դյուրացման համաձայնագրի ուժի մեջ մտնելուց հետո բազմաթիվ դիմողներ լիովին ազատվում են վիզայի վճարներից։ Վիզայի գործընթացի ժամանակ անհրաժեշտ է ապացուցել դիմողների այս կամ այն խմբին պատկանելը։ Դիմողների այն խմբերը, որոնք ազատված են վիզայի վճարներից, կգտնեք հետևյա հղումով․
Վիզայի համար հերթագրում և դիմումների ընդունում
2025թ․ հուլիսից շենգենյան վիզայի դիմումներն ընդունվում են միայն TLScontact-ում։
Դեսպանության միջոցով պայմանավորվածություն ստանալը այսուհետ հնարավոր չէ։ Եթե արդեն գրանցվել եք դեսպանության սպասելացուցակում, ապա որևէ քայլ ձեռնարկելու անհրաժեշտություն չկա, TLScontact-ը ձեզ հետ կապ կհաստատի։
Ցավում ենք հայտնել, որ փոփոխությունների շրջանում կպակասեցվի առաջարկվող պայմանավորվածությունների քանակը և կերկարի սպասելաժամանակը։ Հայցում ենք ձեր ներողամտությունը։
Փոփոխությունների շրջանում դեսպանությունը սկզբունքորեն չի պատասխանի պայմանավորվածությունների վերաբերյալ հարցումներին։
Տեղեկություններ վիզա ստացած անձանց համար
Դուք վիզա եք ստացել շենգենյան պետություններ մուտք գործելու համար: Խնդրում ենք վիզան ստանալուց անմիջապես հետո ստուգել տվյալների ճշտությունը:
Հատկապես անհրաժեշտ է ստուգել հետևյալ կետերը:
- Խնդրում ենք ուշադրություն դարձնել, արդյո՞ք Ձեր անձնագրի համարը վիզայի էտիկետի վրա գրված համարի հետ նույնական է:
- Դուք դիմել եք վիզա ստանալու որոշակի ժամանակահատվածի համ մի քանի ժամանակահատվածների համար: Խնդրում ենք ստուգել՝ արդյոք Ձեր պլանավորած առաջին ճամփորդությունը մտնում է կացության տևողության մեջ:
- Ուշադրություն դարձրեք, որ ճիշտ գրված լինեն Ձեր անունը և ազգանունը:
- Ստուգեք, արդյո՞ք վիզայի վրա առկա է դեսպանության կնիքը:
Այս կերպ դուք ձեր այցի ընթացքում չեք հանդիպի դժվարությունների և կխուսափեք հավելյալ ծախսեր կատարելուց: Խնդրում ենք սխալների առկայության դեպքում անմիջապես դիմել դեսպանության հյուպատոսական բաժնին, որպեսզի հնարավոր լինի տեղում ուղղել սխալը:
Վիզայի էտիկետի տվյալների պարզաբանմանը և սահմանային անցմանն առնչվող ցուցումներին կարող եք ծանոթանալ այս հղումով։
Այլ տեղեկություններ
Գերմանիայի Դաշնային Հանրապետության արտաքին գործերի նախարարությունը որոշում է կայացրել 2025թ․ հուլիսի 1-ից արտերկրում իր բոլոր ներկայացուցչություններում դադարեցնել վիզայի մերժման որոշումները բողոքարկելու կարգը։
Եվրամիության և ՀՀ միջև կնքված վիզայի դյուրացման համաձայնագրի ուժի մեջ մտնելուց հետո բազմաթիվ դիմողներ լիովին ազատվում են վիզայի վճարներից։ Վիզայի գործընթացի ժամանակ անհրաժեշտ է ապացուցել դիմողների…
Խնդրում ենք հաշվի առնել, որ Շենգենյան վիզա կարող է տրամադրվել միայն այն դեպքում, երբ առկա է բավարար ճամփորդական բժշկական ապահովագրության քարտ: Ճամփորդական բժշկական ապահովագրությունն ունի հետևյալ…
Դուք վիզա եք ստացել շենգենյան պետություններ մուտք գործելու համար: Խնդրում ենք կարճաժամկետ այցի համար վիզա ստանալուց անմիջապես հետո ստուգել տվյալների ճշտությունը: Հատկապես անհրաժեշտ է ստուգել…