Բարի գալուստ ԳԴՀ արտգործնախարարության կայքէջերում

Բունդեսթագի Միջազգային խորհրդարանական կրթաթոշակ (ՄԽԿ) ծրագիրը

ՄԽԿ լոգոն

ՄԽԿ լոգոն, © Bundestag

Հոդված

Գերմանիայի Բունդեսթագը փնտրում է բարձր որակավորում ունեցող, նվիրյալ և քաղաքականությամբ հետաքրքրվող երիտասարդների, որոնք կամենում են ակտիվորեն և պատասխանատու կերպով մասնակցել իրենց երկրի ժողովրդավարական ապագայի կերտմանը: Հայաստանի Հանրապետության քաղաքացի այն երիտասարդները, որոնք շատ լավ տիրապետում են գերմաներենին, ծնվել են 1992թ. մարտի 1-ից հետո և ստացել են բուհական կրթություն, կարող են դիմել Գերմանիայի Բունդեսթագի «Միջազգային խորհրդարանական կրթաթոշակ» ծրագրին (ՄԽԿ/IPS):  

Ծրագրի տևողությունը

2022թ. մարտի 1-ից հուլիսի 31-ը

Հայտերն ընդունվում են մինչև 2021թ. հուլիսի 31-ը:

Դիմելու նախապայմանների և պահանջվող փաստաթղթերի վերաբերյալ մանրամասն տեղեկություններ կարող եք քաղել Բունդեսթագի կայքից. www.bundestag.de/ips

Տեղեկություններ ՄԽԿ-ի վերաբերյալ

Գերմանիայի Բունդեսթագի ֆինանսավորմամբ և Բեռլինի Ազատ համալսարանի, Հումբոլդի անվան համալսարանի և Տեխնիկական համալսարանի միջոցով իրականացվող ծրագիրը 50 երկրի բարձր որակավորում ունեցող, քաղաքականապես ակտիվ մասնակիցների հնարավորություն է տալիս ծանոթանալ Գերմանիայի Դաշնային Հանրապետության խորհրդարանական կառավարման համակարգին և կուտակած փորձը կիրառել հայրենիքում:

ՄԽԿ-ն գտնվում է Գերմանիայի Բունդեսթագի նախագահի բարձր հովանու ներքո:

Կրթաթոշակ

Մասնակիցները, Գերմանիայի Բունդեսթագի բյուջեի միջոցներից կստանան ամսական 500 եվրո կրթաթոշակ: Ծրագիրը նախատեսում է նաև անվճար կացարան և ստանձնում դեպի Բեռլին և հետդարձի ճամփորդական ծախսերը, ինչպես նաև ուսանողական առողջապահական ապահովագրության, պատահարների և պատասխանատվության ապահովագրության ծախսերը: Կրթաթոշակակիրները գրանցվում և համարվում են Բեռլինի Հումբոլդի անվան համալսարանի ամառային կիսամյակի ուսանող:

www.bundestag.de/ips

դեպի էջի սկիզբ