Բարի գալուստ ԳԴՀ արտգործնախարարության կայքէջերում

Գերմանական ակադեմիական փոխանակման ծառայություն (ԳԱՓԾ/DAAD)

20.02.2018 - Հոդված
DAAD-ի լոգոն
DAAD լոգոն© DAAD


Գերմանական ակադեմիական փոխանակման ծառայությունը ուսանողների և գիտնականների միջազգային փոխանակման խոշորագույն կազմակերպությունն է աշխարհում: Իր հիմնադրումից՝ 1925թ. ի վեր DAAD-ն աջակցել է 2 միլիոնից ավելի համալսարանականների ինչպես Գերմանիայում, այնպես էլ արտերկրում: Կրթաթոշակների և համագործակցային ծրագրերի միջոցով տարեկան խրախուսվում է ավելի քան 100.000 ուսանող, հետազոտող և գիտնական, որոնց կեսից ավելին՝ արտերկրից:

 Հայաստանյան բուհերում DAAD-ն ներկայացված է երկու գերմանացի դասախոսով: DAAD-ն միակ կրթաթոշակային կազմակերպությունն է Հայաստանում, որը խրախուսում է բոլոր բնագավառների ուսանողներին և գիտնականներին: Առաջին անգամ հայ ուսանողները կրթաթոշակներ են ստացել 1990թ., այս ընթացքում DAAD-ի կրթաթոշակներից օգտվել է ավելի քան 2500 հայ ուսանող և գիտնական:

DAAD-ն անվճար առցանց տեղեկություններ է տրամադրում Գերմանիայում ուսանելուն և գիտական հետազոտություն իրականացնելուն առնչվող բոլոր հարցերի վերաբերյալ:

Էլ. հասցեն է  info@daad.am:

Գերմանիայում ուսանելու և գիտական հետազոտություն իրականացնելու, DAAD-ի կրթաթոշակային հնարավորությունների և ընթացիկ կրթաթոշակային մրցույթների վերաբերյալ տեղեկություններ կգտնեք DAAD-ի հետևյալ կայքում՝ www.daad.am

դեպի էջի սկիզբ