Willkommen auf den Seiten des Auswärtigen Amts

Վիզայի համար պայմանավորվածություն

21.02.2018 - Հոդված

Գերմանիայի Դաշնային Հանրապետության դեսպանությունը ձգտում է, որ բոլոր նրանք, ովքեր ցանկանում են դիմել Շենգեն պետությունների վիզա ստանալու նպատակով (Գերմանիայի, Բելգիայի, Լյուքսեմբուրգի, Նիդեռլանդների, Շվեդիայի, Ավստրիայի համար) ստիպված չլինեն երկար սպասել։ Այդ նպատակով դեսպանությունը առցանց հերթագրման համակարգ է ներդրել։ Հերթագրումը անվճար է և կարելի է իրականացնել աշխարհի ցանկացած վայրից՝ հետևյալ հղումով․

Առցանց հերթագրման համակարգ

Ծանուցում.

Չեղարկված պայմանավորվածությունները հաջորդ շաբաթների համար հասանելի կդառնան երկուշաբթի օրերը՝ ժամը 10.00-ին:
Դեսպանությունը հայցում է Ձեր ներողամտությունը, որ հնարավորությունների սղության պատճառով պայմանավորվածությունների վերաբերյալ հարցումներին այս պահից սկսած այլևս չի կարող պատասխանել: Դեսպանությունը նաև խնդրում է պայմանավորվածությունների վերաբերյալ հարցումներ չուղարկել դեսպանության ֆեյսբուքյան էջին։

Խնդրում ենք նախապես ծանոթանալ շենգենյան վիզաների համար դիմումների ընդունման կարգի վերաբերյալ ընթացիկ կարևոր հաղորդագրությանը․ Տեղեկություն շենգենյան վիզաների առնչությամբ

Ժամանակին մեկնելու համար անհրաժեշտ է դիմել վաղօրոք. խնդրում ենք հաշվի առնել սա հատկապես սեզոնային եռուզեռի և նախատոնական շրջանում։ Գործերը կարող են ընդունվել պլանավորած մեկնումից ամենաշուտը երեք ամիս առաջ:

Յուրաքանչյուր դիմողի, նաև երեխաների համար, անհրաժեշտ է առանձին պայմանավորվածություն ամրագրել: Չի կարելի մեկ հերթագրման համար մի քանի անուն գրանցել։ Առանց հերթագրման կամ սխալ տվյալներով հերթագրված անձինք նույնպես չեն կարող դեսպանություն մտնել։
5-ից մինչև 20 հոգի ներառող խմբերը վիզայի համար պայմանավորվածություն ստանալու համար պետք է հերթագրվեն հետևյալ առցանց հերթագրման համակարգով

20-ից ավելի անձանցից բաղկացած խմբերի համար պայմանավորվածություն անհրաժեշտ է ձեռք բերել էլեկտրոնային փոստի միջոցով՝ գրելով visatermin@eriw.diplo.de  հասցեին: Նամակում հարկավոր է նշել խմբի պատասխանատուի անունը և հեռախոսահամարը, ինչպես նաև կցել մասնակիցների անվանական ցանկը՝ նշելով ծննդյան տվյալները, անձնագրերի համարը, մեկնելու նպատակը և ժամանակահատվածը, հրավիրող կազմակերպության անունը:

Անհետաձգելի բուժման նպատակով վիզայի դիմումների ընդունման վերաբերյալ.

Անհետաձգելի բուժման նպատակով վիզայի դիմումները կարող են ներկայացվել առանց նախնական գրանցման՝  հետևյալ պայմաններով.

Դիմումատուն դեսպանության մուտքի մոտ ներկայանում է ժամը 8.00 – 8.15-ը՝ իր հետ ունենալով դեսպանության՝ բուժման նպատակով այցերի վերաբերյալ հուշաթերթիկում նշված բոլոր փաստաթղթերը:

Առանց նախնական գրանցման դեսպանություն մուտք գործելու համար անվտանգության աշխատակիցներին պետք է ներկայացնել հետևյալ փաստաթղթերը.

  • լրացված Videx-ձևաթուղթը,
  • կլինիկայի/բժշկի կողմից տրված հրավերը,
  • էպիկրիզը/ախտորոշումը (դիագնոզ)
  • հիվանդանոցի/բժշկի կողմից ներկայացված նախահաշիվը,
  • ապացույց բուժման ծախսերը փոխանցելու/վճարելու վերաբերյալ
  • բուժման նպատակով այցի վերաբերյալ հուշաթերթիկում նշված փաստաթղթերը:

Վիզան սովորաբար տրամադրվում է 3-4 օրվա ընթացքում:

Ազգային վիզայի համար հերթագրվելիս խնդրում ենք հաշվի առնել, որ գործերի քննման համար ավելի երկար ժամանակ է պահանջվում (սովորաբար՝ 6-12 շաբաթ)։

Եթե չեք կարողանալու հերթագրման օրը ներկայանալ, ապա խնդրում ենք չեղարկել ամրագրումը։ Ամրագրման չեղարկումը կարող եք առցանց կատարել՝ Ձեր հերթագրումը հաստատող էլ․ նամակում նշված հղումով կամ գրելով visatermin@eriw.diplo.de էլ․ հասցեին։ Այլապես մոտավորապես 4 շաբաթ չեք կարողանա նոր պայմանավորվածության համար հերթագրվել։

Լրացուցիչ տեղեկություններ վիզայի ընթացակարգի մասին


այլ բովանդակություններ

Հասցե՝  Երևան 0025, Չարենցի փ․ 29 Հեռախոս՝ +374 10 586591 յուրաքանչյուր աշխատանքային օր ժամը 09։00-ից մինչև 12։00 Ֆաքս՝ +374 10 524781 (+49 30) 1817 67240 Վիզայի ընթացակարգի…

Հասցե ու աշխատանքային ժամեր