Բարի գալուստ ԳԴՀ արտգործնախարարության կայքէջերում

Մերժման դեպքում բողոքարկման գործընթաց

22.02.2018 - Հոդված

Ձեր կարծիքով Ձեր դիմումն անհիմն մերժվել է:

Այստեղ Դուք կգտնեք բացատրություններ Ձեր ստացած մերժման վերաբերյալ, որոնք Ձեզ կօգնեն ավելի լավ հասկանալ, թե ի՞նչը կարող է հանդիսանալ մերժման պատճառ: Եթե պատճառները դիտարկելուց հետո դարձյալ համաձայն չեք լինի դեսպանության որոշման հետ, ապա կարող եք Դուք կամ Ձեր կողմից լիազորված անձը բողոքարկել մերժումը և խնդրել, որ գործը քննվի նորովի:

Ժամկետներ

Գերմանիա մեկնելու դեպքում Շենգենյան վիզայի համար բողոքարկել կարող եք մերժման գրությունը ստանալուց հետո մեկ ամսվա ընթացքում:

Օրինակ`

Դուք Ձեր անձնագիրը հետ կստանաք մերժման մասին տեղեկանքի և բողոքարկման հնարավորության վերաբերյալ ծանուցման հետ միասին: Տեղեկանքի վրա կնիքով նշվում է անձնագրի վերադարձման ամսաթիվը: Բողոքարկման ժամկետը սկսվում է վերադարձման ամսաթվից: Ձեր բողոքարկումը դեսպանություն պետք է ներկայացվի այդ ամսաթվից սկսած՝ մեկ ամսվա ընթացքում: Հակառակ դեպքում՝ ժամկետից դուրս, Ձեր բողոքարկումը չի կարող ընդունվել:

Դիմում-բողոքը պետք է լինի գրավոր, գերմաներեն կամ անգլերեն՝ հասցեագրված դեսպանությանը։

Դեսպանության հասցեն`

Երևանում Գերմանիայի Դաշնային Հանրապետության դեսպանություն

Երևան 0025, Չարենցի փ. 29

Դիմում-բողոքը պետք է պարունակի հետևյալ տվյալները`

  • Ձեր անունը, ազգանունը, ծննդյան տվյալները, ծննդավայրը, անձնագրի համարը, հեռախոսահամարը
  • մերժման որոշման ամսաթիվը
  • Barcode-համարը
  • հասցեն (փողոց, շենք, բնակարան, քաղաք/գյուղ/մարզ)
  • Ձեր ստորագրությունը: Եթե բողոքարկողը Դուք չեք, ապա Ձեր ստորագրությամբ լիազորագիր
  • մանրամասն հիմնավորում այն մասին, թե Ձեր կարծիքով մերժումն ինչու՞ է անարդար
  • մանրամասն բացատրություն Գերմանիա մեկնելու Ձեր նպատակի և այցի կարևորության մասին
  • Ձեր նշած փաստարկները հավաստող հավելյալ փաստաթղթեր, որոնք գործերը հանձնելիս չեք ներկայացրել:
  • Միայն այն դեպքում, եթե պարզաբանումներ և լրացուցիչ փաստաթղթեր ներկայացվեն, դեսպանությունը հնարավորություն կունենա հնարավորինս այլ որոշում կայացնել:

Ուշադրություն.

Խնդրում ենք դիմում-բողոքների հետ չներկայացնել անձնագրեր:

Վերանայումից հետո, որը կարող է բավականին երկար տևել, դեսպանությունը կապ կհաստատի Ձեզ հետ կամ Դուք վիզաների բաժնից կստանաք գրավոր պատասխան: Ընթացիկ հարցումները նույնպես չեն կարող արագացնել դիմումի մշակման ընթացքը:

Կարիք չկա ներկայացնել գրագրական ծառայությունների կամ շահույթ հետապնդող ընկերությունների կողմից գրված դիմում-բողոքներ:

դեպի էջի սկիզբ