Բարի գալուստ ԳԴՀ արտգործնախարարության կայքէջերում
«Deutschland Plus» մրցանակային ծրագիր՝ գերմաներեն սովորող աշակերտների խրախուսման համար
Աշակերտների խումբը դասարանում, © educationpartner
Ծրագրին մասնակցել ցանկացող աշակերտները մրցութային փաստաթղթերը դեսպանություն պետք է ուղարկեն ամենաուշը մինչև 2025թ. ապրիլի 10-ը։
Գերմանիայի Դաշնային Հանրապետության արտաքին գործերի նախարարությունն աշխարհում գերմաներենի դասավանդումը խթանելու և օտարերկրյա դպրոցների՝ գերմաներենի բարձր առաջադիմություն ունեցող աշակերտներին պարգևատրելու նպատակով հիմնել է «Deutschland Plus» մրցանակային ծրագիրը, որն իրականացնում է Գերմանիայի դաշնային երկրամասերի կրթության և մշակույթի նախարարների խորհրդի Մանկավարժական փոխանակման ծառայությունը (ՄՓԾ/PAD):
Այն աշակերտները, որոնք կբավարարեն ստորև ներկայացվող պահանջները, կարող են դիմել Գերմանիայում անցկացվելիք երեքշաբաթյա ուսումնական ծրագրին.
- Գերմանիա մեկնելու օրվա դրությամբ աշակերտը պետք է լինի առնվազն 15, առավելագույնը՝ 17 տարեկան,
- ունենա ՀՀ քաղաքացիություն կամ առնվազն երեք տարվա մշտական կացություն Հայաստանում,
- ունենա գերմաներենի իմացության B1 մակարդակ,
- ցուցաբերի միջմշակութային և սոցիալական շփման ունակություններ,
- լիարժեք պատվաստված լինի կարմրուկի դեմ։
Ծրագրին չեն կարող մասնակցել այն աշակերտները, որոնք՝
- երկար տարիներ ապրել են Գերմանիայում,
- ունեն Գերմանիայի կամ գերմանախոս այլ երկրի քաղաքացիություն,
- արդեն իսկ մասնակցել են Միջազգային մրցանակային Deutschland Plus ծրագրին,
- սովորում են ավարտական դասարանում,
- մեծանում են երկլեզու ընտանիքում՝ խոսելով գերմաներեն։
Այցը տեղի կունենա նախնական տվյալներով 22.08.2025թ. - 10.09.2025թ.:
Ճամփորդական ծախսերը սկզբունքորեն պետք է հոգան մասնակիցներն անձամբ, սակայն յուրաքանչյուր մասնակցի կտրամադրվի 700 եվրո օժանդակություն։
Հավակնորդներն իրենց հայտերը ստորև նշված փաստաթղթերով դեսպանություն պետք է ներկայացնեն ամենաուշը մինչև 2025թ. ապրիլի 10-ը՝ էլեկտրոնային եղանակով, որպես PDF նիշք
- էլեկտրոնային տարբերակով լրացված անհատական հարցաթերթիկ,
- անձնագրի պատճեն (գործող անձնագիր),
- ծնողների կողմից լրացված և ստորագրված համաձայնություն,
- „Interessen und Motivation“ լրացված հարցաթերթիկը,
- դպրոցի գերմաներենի ուսուցչի կողմից տրված բնութագիր, որը պարունակում է տվյալներ աշակերտի լեզվական իմացության, վարքի և դպրոցական կյանքին ներգրավվածության վերաբերյալ,
- առողջության մասին հարցաթերթիկը, որը պետք է լրացնեն և ստորագրեն ծնողները։
- լուսանկար։
Փաստաթղթերը պետք է ներկայացնել դեսպանության ku-100@eriw.diplo.de հասցեին: Խնդրում ենք ուշադիր կարդալ հայտերի ներկայացման պայմանները, որոնք շարադրված են ծրագրի տեղեկատվաթերթիկում՝ անգլերեն և գերմաներեն տարբերակներով, և հայտերը ներկայացնել ըստ նշված պայմաննների։ Ոչ լիարժեք կամ ուշ ներկայացված հայտերը չեն կարող քննվել:
Ծրագրի մասին տեղեկատվաթերթիկը և լրացման ենթակա ձևաթղթերը կարելի է ներբեռնել ստորև նշված հղումներով․
Ծրագրի մասին տեղեկատվաթերթիկ՝ գերմաներեն
Ծրագրի մասին տեղեկատվական թերթիկ (անգլերեն)
Ծնողների համաձայնության թերթիկ՝ գերմաներեն/անգլերեն
Առողջության մասին հարցաթերթիկ՝ գերմաներեն