Բարի գալուստ ԳԴՀ արտգործնախարարության կայքէջերում

Մարդու իրավունքներ. Գերմանիայի արտաքին քաղաքականության հիմքը

05.12.2017 - Հոդված

Մարդու իրավունքները բանակցելի չեն: Գերմանիան միջազգային անդուլ պայքար է ծավալում հանուն մարդու իրավունքների: Ոչ միայն, որովհետև այդ ջանքերը մեր արտաքին քաղաքականության հիմնարար արժեքներից են. դրանք նաև սպասարկում են Գերմանիայի շահերը:

 

Մարդու իրավունքների համընդհանուր հռչակագիր

Ավելի լավ աշխարհ ունենալու տեսլականն էր, որ 1948թ. ՝ համարյա 70 տարի

Մարդու իրավունքների լոգոտիպը
Մարդու իրավունքների լոգոտիպը© open source

առաջ, տղամարդկանց ու կանանց աշխարհի չորս ծագերից հավաքեց Փարիզում: Մի աշխարհ, որտեղ բոլոր մարդիկ պաշտպանված կլինեին իրենց արժանապատվության մեջ՝ որպես անհատներ: Ընդունվեց Մարդու իրավունքների համընդհանուր հռչակագիրը: Այն ելնում է մարդկանց «ի ծնե արժանապատվությունից ու հավասար ու անօտարելի իրավունքներից» և սրանք վերագրում յուրաքանչյուր մարդու՝ առանց թույլ տալու որևէ տարբերություն ըստ մաշկի գույնի, սեռի, լեզվի, դավանանքի կամ այլ չափանիշների: Մարդու իրավունքները վերաբերում է յուրաքանչյուր մարդու՝ միմիայն նրա մարդ լինելու պատճառով/հիմքով և բացարձակապես անկախ այն առանձնահատկություններից, որոնք մեզ՝ մարդկանց, տարբերում են իրարից:

 

Մարդկային հասարակությունների հիմքը

Մարդու իրավունքների հանդեպ Գերմանիայի ստանձնած պարտավորությունը նաև այն դասն է, որ Գերմանիան քաղել է իր պատմության ամենամռայլ էջից: Այդ պատճառով էլ Սահմանադրության առաջին հոդվածում մարդու արժանապատվությունը և մարդու անձեռնմխելի և անօտարելի արժանապատվությունը խարսխված է որպես յուրաքանչյուր մարդկային հասարակության, աշխարհում խաղաղության և արդարության հիմք: Մայր օրենքն, այսպիսով, երաշխավորում է ոչ միայն մարդու իրավունքները Գերմանիայում, այլ նաև պարտավորեցնում է մեզ գործել ի նպաստ ողջ աշխարհում մարդկանց արժանապատվության և հիմնական ազատությունների պաշտպանության:


Բարոյական պարտավորություն և քաղաքական շահ

Հանուն մարդու իրավունքների պայքարը, սակայն, ոչ միայն սահմանադրությունից բխող բարոյական և միջազգային պարտավորություն է: Մարդու իրավունքների ապահովումը բխում է նաև Գերմանիայի արտաքին քաղաքական շահերից:  Համաշխարհային փորձը ցույց է տալիս՝ որտեղ ոտնահարվում են մարդու իրավունքները, այնտեղ չի կարող երկարաժամկետ խաղաղություն և կայուն զարգացում լինել: Դրան հակառակ՝ պաշտպանության արժանացող ազատությունն ու մարդու արժանապատվությունը  միշտ շարժիչ ուժ են ստեղծարարության և բարեկեցության համար:


Բացի Գերմանիայի Դաշնային Հանրապետության կառավարության՝ մարդու իրավունքների և մարդասիրական օգնության հարցերով հանձնակատարից՝ Բերբել Քոֆլերից ( https://www.auswaertiges-amt.de/de/aamt/koordinatoren/mr-koordinatorin)՝ ԳԴՀ արտաքին գործերի նախարարությունում գործում է նաև մարդու իրավունքների և գենդերային քաղաքականության առանձին մասնագիտական վարչություն: Երկու կառույցները միասին կիրառում են ամենատարբեր գործիքներ՝ աջակցային ծրագրեր՝ ոչ կառավարական կազմակերպություններին, քաղաքական երկխոսություններ, հանրային դիրքորոշումներ կամ լուռ դիվանագիտություն, որոնք, իսկապես, կարողանում են բարելավել մարդու իրավունքների ոլորտը շատ երկրներում:

Մարդու իրավունքների վերաբերյալ Դաշնային կառավարության 2016թ. զեկույցը (անգլերեն)՝ Քաղհասարակությունները՝ կիզակետում


Մարդու իրավունքների լավագույն պաշտպանը կենսունակ քաղհասարակությունն է

Մարդու իրավունքների պաշտպանության համար հատկապես կարևոր է այն հասարակությունը, որն աչալուրջ է հնարավոր իրավախախտումների ժամանակ: Այս հարցում Գերմանիան հետապնդում է կարևոր մի ուղղություն: Ոչ կառավարական կազմակերպությունների, կրոնական խմբերի, մտավորականների և նվիրյալ անձանց հետ երկխոսելով՝ Գերմանիան աշխարհով մեկ խրախուսում է կենսունակ և աչալուրջ քաղհասարակությունների զարգացումը: Քանզի, երբ քաղաքացիները միավորվում են պետությունից անկախ խմբերում և հանրային հարթակներում, դա լավագույն ապահովագրությունն է դառնում մարդու իրավունքների ոտնահարման դեմ:

«Քաղհասարակություն և մարդու իրավունքներ» թեմայի մասին առավել մանրամասն՝ սույն հղումով (անգլերեն).

https://www.auswaertiges-amt.de/en/aussenpolitik/themen/menschenrechte/03-zivilgesellschaft

Գերմանիան որպես պայմանագրերի անդամ պետություն

ՄԱԿ-ի խարտայի և Մարդու իրավունքների համընդհանուր հռչակագրի հիման վրա ՄԱԿ-ի անդամ պետությունները ստեղծել են մարդու իրավունքների պաշտպանության մի համապարփակ պայմանագրային համակարգ: Գերմանիան ՄԱԿ-ի՝ մարդու իրավունքների բոլոր կարևորագույն համաձայնագրերի և դրանց լրացնող արձանագրությունների անդամ պետություն է և կանոնավոր հաճախականությամբ պայմանագրային հանձնաժողովների առջև հանդես է գալիս այս կամ այն պայմանագրային պարտավորության կատարման վերաբերյալ զեկույցով:

«Մարդու իրավունքները Միավորված ազգերի կազմակերպությունում» թեմայի վերաբերյալ առավել մանրամասն՝ սույն հղումով.

https://www.auswaertiges-amt.de/en/aussenpolitik/themen/menschenrechte/01-menschenrechte-fundament/mr-in-un-node

Եվրոպայում նույնպես գործում է մարդու իրավունքների պաշտպանությանը լծված հաստատությունների մի խիտ ցանց: Այս ոլորտում առանցքային դերակատարում ունեն Եվրամիությունը, Եվրախորհուրդը և ԵԱՀԿ:

Հիմնական իրավունքների պաշտպանությունը Եվրամիությունում

Եվրախորհուրդ
https://www.auswaertiges-amt.de/en/aussenpolitik/internationale-organisationen/er-text-node

Եվրոպայի անվտանգության և համագործակցության կազմակերպություն
https://www.auswaertiges-amt.de/en/aussenpolitik/internationale-organisationen/osze-node

Մարդու իրավունքների պաշտպանությանն ուղղված նախագծեր

ԳԴՀ արտգործնախարարությունն աշխարհում տարբեր ծավալի տարեկան 130 նախագիծ է խրախուսում, հատկապես Աֆրիկայի, Ասիայի, Կենտրոնական և Հարավային Ամերիկայի, ինչպես նաև Արևելյան Եվրոպայի արագ զարգացող և զարգացող երկրներում: Շատ հաճախ անգամ փոքր նախաձեռնությունները կարողանում են նպաստել այդ տարածաշրջաններում մարդու իրավունքների վիճակի տեսանելի և կայուն բարելավմանը:

դեպի էջի սկիզբ